मुगुबाट जुम्लातर्फ आउँदै गरेको यात्रुवाहक बोलेरो जीप दुर्घटना हुँदा सात जना घाइते भएका छन्। घाइतेमध्ये एक जनाको अवस्था गम्भीर रहेको छ।
जिल्ला प्रहरी कार्यालय जुम्लाका अनुसार क १ ज ००५४ नम्बरको बोलेरो जीप अनियन्त्रित भई दुर्घटनामा परेको हो। दुर्घटनाग्रस्त जीपमा चालकसहित १६ जना सवार रहेका थिए।
दुर्घटनालगत्तै स्थानीय र प्रहरीको सहयोगमा घाइतेहरूको उद्धार गरिएको थियो। घाइतेहरूलाई कनकासुन्दरी गाउँपालिकाको एम्बुलेन्समार्फत उपचारका लागि कर्णाली स्वास्थ्य विज्ञान प्रतिष्ठान शिक्षण अस्पताल जुम्ला ल्याइँदै गरिएको प्रहरीले जनाएको छ।
दुर्घटनाको यकिन कारण खुल्न सकेको छैन। घटनाको थप विवरण आउन बाँकी रहेको र यसबारे अनुसन्धान भइरहेको जिल्ला प्रहरी कार्यालय जुम्लाले जनाएको छ।
