प्रारम्भिक अनुसन्धानमा सडकबाट लडेर मृत्यु भएको आशंका गरिएको छ।
जुम्लाको तातोपानी गाउँपालिका–२ बाँबिरामा ४५ वर्षीय लक्ष्मीचन्द्र डाँगी मृत फेला परेका छन्।
जुम्लाका डीएसपी छेदिलाल कामतीका अनुसार, डाँगीको शव बुधबार फेला परेको हो। प्रारम्भिक अनुसन्धानमा सडकबाट लडेर मृत्यु भएको आशंका गरिएको छ।
यो क्षेत्रमा एक साताभित्रै यो दोस्रो घटना हो। वडा अध्यक्ष विशाल खड्काले तातोपानी–६ का एकराज गौतमको पनि यस्तै दुर्घटनामा मृत्यु भएको बताएका छन्।
स्थानीयले सडक साँघुरो र असुरक्षित भएकाले दुर्घटना दोहोरिएको गुनासो गरेका छन्।
जिल्ला प्रहरी र स्थानीय सरकारका अनुसार, दुर्घटनाको कारण पत्ता लगाउन र सडक सुधारका लागि पहल भइरहेको छ।
