प्रथम स्ववियु कप भलिबल प्रतियोगिताको उपाधि पातारासी गाउँपालिकाले उचालेको छ।
शनिबार सम्पन्न फाइनल खेलमा पातारासीले तातोपानी गाउँपालिकालाई पराजित गर्दै ट्रफी उचालेको हो।
प्रतिस्पर्धात्मक खेलमा दुवै टिमले उत्कृष्ट प्रदर्शन गरे पनि अन्ततः पातारासी विजयी बन्न सफल भयो।
विजेता पातारासी टिमले १ लाख १ हजार १ सय १ रुपैयाँ नगदसहित ट्रफी, मेडल र प्रमाणपत्र प्राप्त गरेको छ।
त्यस्तै उपविजेता तातोपानीले ५१ हजार १ सय १ रुपैयाँ नगदसहित ट्रफी, मेडल र प्रमाणपत्रमा चित्त बुझायो।
स्ववियु सभापति लोकेन्द्र बहादुर बुढाले खेल सफलतापूर्वक सम्पन्न भएको बताए।
उनका अनुसार स्वतन्त्र विद्यार्थी युनियन जुम्लाको आयोजनामा सम्पन्न उक्त प्रतियोगितामा जिल्लाभरिका ९ टिमको सहभागिता रहेको थियो।
प्रतियोगिता अवधिभर खेलहरू रोमाञ्चक र प्रतिस्पर्धात्मक बनेका थिए।
