आमा तिमी गएको दिनदेखि
त्यो घर र आँगनले हाँस्न बिर्सियो ।
ढोकामा उभिएर
म अझै तिम्रो बाटो हेर्छु
आमा तिमी आउँछौ कि भनेर ।
आमा तिमीले बनाएका परिकारको बास्ना
तिमीले पस्केर दिएको खानाको स्वाद
अब याद मात्रै बाँकी छ ।
आमा जब रात पर्छ
तब म तारा खोज्दिन अकासमा
मात्र तिमीलाई खोज्छु ।
(भाेजपुर, दल गाउँका युवा कवि राई अक्सर मातृ प्रेम, राष्ट्र प्रेममा कलम चलाउने गर्छन् । कवि राई हाल राेमानिया युरोपमा कार्यरत छन् ।)
