हिमालय लाइफ इन्स्योरेन्स लिमिटेडले आफ्नो १७ औँ स्थापना दिवस देशभर उत्साहपूर्ण कार्यक्रमसहित मनाएको छ। जुम्ला शाखाले पनि यो अवसरमा स्थानीय समुदायलाई जीवन बीमाको महत्त्व बुझाउन र जनविश्वास आर्जन गर्न विशेष कार्यक्रम आयोजना गरेको छ।
जुम्ला शाखाको कार्यक्रममा बीमा क्षेत्रमा पारदर्शिता र विश्वसनीयता कायम राख्न जोड दिइयो। शाखाले स्थानीय बासिन्दाहरूलाई बीमाको पहुँच र आवश्यकताबारे जानकारी दिँदै सेवालाई थप प्रभावकारी बनाउने प्रतिबद्धता व्यक्त गर्यो।
नेपाल पत्रकार महासंघ जुम्लाका अध्यक्षले बीमा कम्पनीहरूले जनविश्वास जित्न थप पारदर्शी र ग्राहकमैत्री सेवा प्रदान गर्नुपर्ने बताए। उनले सुलभ ब्याजदरमा ऋण सुविधा उपलब्ध गराउन सके बीमा क्षेत्रप्रति स्थानीयको आकर्षण बढ्ने विचार व्यक्त गरे।
कार्यक्रममा बीमा सेवाग्राही, स्थानीय अगुवा, पत्रकार र शाखा प्रतिनिधिहरूको सहभागिता रहेको थियो। शाखा प्रतिनिधि लक्ष्मीकान्त पाण्डेले भने, “नेपाल बीमा प्राधिकरणमा दर्ता भएको हाम्रो कम्पनीमाथि पूर्ण विश्वास गर्न सकिन्छ। हाम्रो टिमको समर्पण र सेवाग्राहीको साथले हामीले यो उचाइ हासिल गरेका छौँ।”
यो कार्यक्रमले जुम्लामा बीमा जागरूकता अभिवृद्धि गर्न र कम्पनीप्रति स्थानीयको विश्वास थप बलियो बनाउन महत्त्वपूर्ण योगदान पुर्याएको छ।
