बातचित
लेसिला हुन्छन्
आदर्श बहुत
वजनदार लाग्छ
आसन बडेमान ठान्छ
शासन उपल्लो बनिदिन्छ
काशन अग्लो देखिन्छ।
लस्कर लामै भैदिन्छ
जमात घना बस्छ
फौज मजबुत मानिन्छ
देखावटी कदापि पातलो हुन्न।
चुनौती भने चुपचाप बस्छन्
मतभेद निकै
दुर्बोध ठान्छन्
तर
आनिबानी त
मैलो वेगमा दौडिन्छन्।
नतिजा भने झनै
होचा भएर ढिलो पुग्दासम्म
बातचित लेसिला हुन छोड्दैनन्
आदर्श बहुतै वजनदार बनी
बसिरहेका हुन्छन्।
