कार्तिक महिनामा एउटा उपन्यास प्रकाशित गरिसकेकाले कम्तिमा एक महिनाको ग्याप राखौँ भनेर साथीभाइको सल्लाह ग्रहण गरेर ‘नयाँ लुगा’ मंसिरमा ल्याउन लागिएको प्रियासनले जानकारी दिनुभयो ।
नेपालकै दोस्रो सर्वाधिक धेरै उपन्यास प्रकाशित गर्नु भएका उपन्यासकार सविन प्रियासनले प्रकाशन गर्न लागिरहेको नयाँ उपन्यास ‘नयाँ लुगा’ को पाण्डुलिपी सार्वजनिक भएको छ । उपन्यास लेख्न सुरु गरेका १० दिनमै उहाँले पाण्डुलिपी सार्वजनिक गर्नु भएको हो ।
उपन्यासको पाण्डुलिपी उपन्यासकार सविन प्रियासनकी आमा कृष्णकुमारी श्रेष्ठ चौधरी र ८२ वर्षीय साहित्यकार एकराज शर्मा अधिकारीले सार्वजनिक गर्नु भएको हो । उपन्यास प्रकाशन गर्ने अन्तिम तयारी भए पनि उहाँले यसलाई बजारमा मंसिर महिनामा मात्र ल्याउने बताउनुभयो ।
‘उपन्यास अबको चारदिनभित्रै बजारमा ल्याउन पनि सकिन्छ, तर म यसलाई मंसिरमा ल्याउने योजना बनाएको छु’, उहाँले थप्नुभयो, ‘भित्रैबाट इच्छाशक्ति हुने हो भने लेख्न सुरु गरेको १५ दिनभित्रै बजारमा उपन्यास ल्याउन सकिदो रहेछ ।’
कार्तिक २ गते ‘कालो मन’ उपन्यास प्रकाशन गर्नु भएका प्रियासनले ‘कालो मन’ उपन्यास लेख्न सुरु गरेको २५ दिनमै बजारमा ल्याउनु भएको थियो ।
कार्तिक महिनामा एउटा उपन्यास प्रकाशित गरिसकेकाले कम्तिमा एक महिनाको ग्याप राखौँ भनेर साथीभाइको सल्लाह ग्रहण गरेर ‘नयाँ लुगा’ मंसिरमा ल्याउन लागिएको प्रियासनले जानकारी दिनुभयो ।
‘नयाँ लुगा’सँगै प्रियासनको १३ उपन्यास, एक कथा र एक सम्पादकीयको संग्रह बजारमा आउनेछ । यस वर्ष उहाँले ‘कडी’ र ‘कालो मन’ उपन्यास प्रकाशित गरिसक्नु भएको छ भने ‘नयाँ लुगा’ अब केही दिनमा प्रकाशित हुनेछ ।
यस वर्ष थप केही अन्य उपन्यास पनि प्रकाशन गर्ने योजना बनाएको बताउने प्रियासन हाल नेपाल पत्रकार महासंघको केन्द्रीय सचिव समेत हुनुहुन्छ ।
सामाजिक अभियानहरूमा सक्रिय प्रियासनले उपन्यास लेखनमा गहिरो रुचि राख्नु हुन्छ । राप्ती साहित्य परिषद्को पूर्व केन्द्रीय महासचिव समेत भइसकेका प्रियासन हाल साहित्य र पत्रकारितामा पनि सक्रिय हुनुहुन्छ ।
