जुम्ला । जुम्ला कारागारबाट भागेका कैदीमध्ये ११ जना पक्राउ परेका छन्। तीमध्ये ५ जनाले आफैं आत्मसमर्पण गरेका छन् भने ६ जनालाई प्रहरीले नियन्त्रणमा लिएको जिल्ला प्रहरी कार्यालय जुम्लाका प्रहरी नायब उपरीक्षक (डीएसपी) रेबिन बाबू रेग्मीले जानकारी दिए।
नियन्त्रणमा परेकामध्ये जुम्लाका प्रेम राजा महत, हिक्मत गिरी, डिली कार्की, भीमप्रसाद कडायत र हुकुम शाही रहेका छन् भने मुगुका दिनेश लावड पनि पक्राउ परेका छन्।
प्रहरीका अनुसार अन्य फरार कैदीको खोजी कार्य जारी छ।
