चन्दनाथ नगरपालिका–५ टुडिखेलको तल्लो गेट नजिक करेन्ट लागेर एक जना गम्भीर घाइते भएका छन्।
टुडिखेलमा खेल्ने क्रममा बिद्युत् पोलमा लत्रिएको नाङ्गो तार छोइएपछि तिला गाउँपालिका–६, घोडा गाउँका अन्दाजी १८ वर्षीय टेक बहादुर रोकाया घाइते भएका जिल्ला प्रहरी प्रमुख रबिन बाबु रेग्मीले जानकारी दिए।
गम्भीर घाइते रोकायालाई तत्काल उद्धार गरी कर्णाली स्वास्थ्य विज्ञान प्रतिष्ठानमा उपचारका लागि पठाइएको प्रहरीले जनाएको छ।
स्थानीयबासीले खेलमैदान नजिकै नाङ्गो तार खुला राखिएकाले दुर्घटना भएको भन्दै तत्काल सुरक्षा व्यवस्था मिलाउन सम्बन्धित निकायसँग आग्रह गरेका छन्।
