जुम्ला कारागारमा कैदीबन्दीका लागि सिलाइकटाइ तालिम सञ्चालन हुने भएको छ।
जेठ १ गतेदेखि असार १ गतेसम्म सञ्चालन हुने यो तालिममा ३० जना कैदीबन्दी सहभागी हुनेछन्।
तालिमको उद्देश्य कैदीबन्दीको सीप विकास गरी उनीहरूलाई आत्मनिर्भर बनाउनु र रोजगारीसँग जोड्नु रहेको कारागार प्रशासनले जनाएको छ।
यो तालिमले कैदीबन्दीको क्षमता अभिवृद्धि गर्नुका साथै उनीहरूको जीवनमा सकारात्मक परिवर्तन ल्याउने अपेक्षा गरिएको छ।
सिलाइकटाइ तालिम रत्नकली नेपालीले सञ्चालन गर्नेछिन्।
उनले भनिन्, “मैले सिकेको सीप बाँड्ने अवसर पाएकी छु। म आफ्नो तर्फबाट सकेसम्म राम्रोसँग सिकाउने प्रयास गर्नेछु।”
