जुम्ला नगरपालिका–७ स्थित यातायात कार्यालय नजिक रोकिरहेको ट्याक्टरमा मोटरसाइकल ठोकिँदा मोटरसाकल चालकको मृत्यु भएको छ भने पछाडि बसेकी एक जना महिला घाइते भएकी छन्।
ट्राफिक प्रहरी हवल्दार झलक गिरीका अनुसार पार्किङ गरिएको ट्याक्टरमा मोटरसाइकल ठोक्किदा सो दुर्घटना भएको हो।
दुर्घटनामा हुँदा मोटरसाइकल चालक पातारासी -३ हुरी गाउँका जनबहादुर बुढाको घटना स्थलमै मृत्यु भएको प्रहरीले जनाएको छ।
सोही मोटरसाइकलमा सवार घाइते महिलाको कर्णाली स्वास्थ विज्ञान प्रतिष्ठानमा उपचार भइरहेको छ।
