कर्णाली राजमार्गअन्तर्गत नाग्मा–जुम्ला खण्डको राँकामा सुख्खा पहिरो खस्दा सडक पूर्ण रूपमा अवरुद्ध भएको छ।
ठूला ढुंगा र माटोसहितको पहिरोले सडक बन्द हुँदा दुवैतर्फका सवारी साधन जाममा परेका छन्।
सडक डिभिजन जुम्लाका प्रमुख दीपेन्द्र चौधरीले पहिरो हटाउन आवश्यक जनशक्ति र मेसिनरी घटनास्थलमा पठाइसकिएको जानकारी दिनुभयो।
वर्षायामका कारण सडकको अवस्था बुझेर मात्र यात्रा गर्न सडक डिभिजनले सर्वसाधारणलाई अनुरोध गरेको छ।
