कर्णाली स्वास्थ्य विज्ञान प्रतिष्ठानबाट ५८ जना विद्यार्थी मात्रै नभएर भविष्यमा ५८० भन्दा बढी स्वास्थ्यकर्मी दीक्षित हुने दिन आउनुपर्ने मन्त्री पौडेलको भनाई छ।
कर्णाली स्वास्थ्य विज्ञान प्रतिष्ठानमा हालै सम्पन्न प्रथम दीक्षान्त समारोहमा स्वास्थ्य मन्त्री प्रदिप पौडेलले कर्णालीको स्वास्थ्य सेवामा ठूलो सुधार र प्रतिबद्धता व्यक्त गरे। उनले भने, “कर्णालीबाट ५८ जना होइन, ५८० जना दीक्षित हुने दिन आउनुपर्छ।”
मन्त्री पौडेलले कर्णालीमा स्वास्थ्यकर्मी र विशेषज्ञहरूको संख्या र गुणस्तर बढाउन आवश्यक रहेको कुरामा सरकारको ध्यानाकर्षण भएको बताए।
उनले कर्णाली स्वास्थ्य विज्ञान प्रतिष्ठानलाई रिफरल अस्पतालको रुपमा मात्र सीमित नराखी २४ घण्टा विशेषज्ञ सेवामा परिणत गर्नुपर्नेमा पनि मन्त्री पौडेलले जोड दिए।
मन्त्री पौडेलले यस क्षेत्रका नागरिकलाई गुणस्तरीय स्वास्थ्य सेवा प्राप्त गराउने लक्ष्य राख्दै, प्रतिष्ठानलाई स्तरीय बनाउन सरकारले आवश्यक लगानी गर्ने प्रतिबद्धता व्यक्त गरे।
कर्णाली जस्तो विकट र पिछडिएको क्षेत्रका लागि प्रतिष्ठानले तत्काल आवश्यक विशेषज्ञ सेवाहरू प्रदान गर्ने व्यवस्था मिलाउन आफू तयार रहेको उनको भनाइ छ।
स्वास्थ्य बीमा कार्यक्रमलाई प्रभावकारी बनाउने विषयमा पनि मन्त्री पौडेलले विशेष जोड दिए। उनका अनुसार, कर्णाली जस्ता दुर्गम क्षेत्रमा स्वास्थ्य बीमा कार्यक्रम मार्फत सबै नागरिकले स्वास्थ्य सेवामा पहुँच पाउनुपर्छ।
स्वास्थ्य बीमाको प्रभावकारिता बढाउन यस क्षेत्रमा रहेका स्वास्थ्य संस्थाहरुलाई आवश्यक जनशक्ति र पूर्वाधार उपलब्ध गराउने कार्य अघि बढाउने मन्त्रीले प्रतिबद्धता व्यक्त गरे।
कर्णाली स्वास्थ्य विज्ञान प्रतिष्ठानबाट ५८ जना विद्यार्थी मात्रै नभएर भविष्यमा ५८० भन्दा बढी स्वास्थ्यकर्मी दीक्षित हुने दिन आउनुपर्ने मन्त्री पौडेलको भनाई छ।
कर्णालीमा विभिन्न विशेषज्ञ सेवाहरूका लागि स्वास्थ्यकर्मीको संख्या र उनीहरूको योग्यता तथा प्रशिक्षणमा अझै ध्यान दिनुपर्ने देखिन्छ।
यसले कर्णालीमा मात्र नभई समग्र देशभर स्वास्थ्य सेवा सुदृढीकरणमा ठूलो योगदान पुर्याउने विश्वास गरिएको छ।
मन्त्री पौडेलले कर्णालीको स्वास्थ्य क्षेत्रमा विशेष लगानीको आवश्यकता औँल्याउँदै स्वास्थ्य मन्त्रालयको ध्यान केन्द्रित गराउने प्रतिबद्धता जनाए।
उनले सरकारको तर्फबाट कर्णाली स्वास्थ्य विज्ञान प्रतिष्ठानलाई प्राथमिकता दिने, यस क्षेत्रका नागरिकलाई गुणस्तरीय सेवा दिने र भविष्यमा थप सुधारका लागि आवश्यक नीतिगत तथा आर्थिक सहयोग गर्ने योजना पनि प्रस्तुत गरे।
कर्णाली क्षेत्रलाई स्वास्थ्य क्षेत्रमा आत्मनिर्भर बनाउने यो प्रयासले यहाँका नागरिकको स्वास्थ्य जीवनस्तर सुधार गर्न महत्त्वपूर्ण भूमिका खेल्ने उनको भनाइ छ।
