होटेल पौवाले आफ्नो स्थापनादेखि नै नेपाली सत्कार र हस्पिटालिटीको प्रतिबद्धता जनाउँदै आएको छ र जुम्ला शाखाले यो परम्परालाई अझ उचाइमा पुर्याउने अपेक्षा गरिएको छ।
होटेल पौवाले स्थापनाको नवौँ वार्षिकोत्सवको अवसर पारेर चैत २५ देखि २९ गतेसम्म देशभरका सबै शाखामा ‘स्वादउत्सव’ कार्यक्रम आयोजना गर्न लागेको छ। यसैबीच जुम्ला शाखालाई विशेष केन्द्रित गर्दै यो उत्सवले नेपाली स्वाद, संस्कृति र आतिथ्यको नयाँ आयाम स्थापित गर्ने लक्ष्य राखेको हो।
होटेल पौवा जुम्ला शाखाका प्रबन्धक थानेश्वर भण्डारीका अनुसार जुम्ला शाखामा आयोजना हुने यो कार्यक्रमले स्थानीय खानाका परिकार र उत्पादनहरूलाई प्राथमिकता दिँदै क्षेत्रको पर्यटन प्रवद्र्धनमा महत्वपूर्ण योगदान पुर्याउने अपेक्षा गरिएको छ।
‘जहाँबाट आतिथ्यको सुरुवात हुन्छ’ भन्ने मूल मन्त्रका साथ स्थापना भएको होटेल पौवाले नवौँ वर्षमा प्रवेश गरेको यो अवसरमा जुम्ला शाखामा विशेष कार्यक्रमहरू आयोजना गरिनेछ। चैत २५ गतेदेखि २९ गतेसम्म चल्ने स्वादउत्सवमा जुम्लाका परम्परागत खानाका परिकारहरू, जस्तै सिस्नोको अचार, टमाटरको चटनी, र स्थानीय अर्गानिक उत्पादनबाट बनेका परिकारहरू पाहुनाहरूका लागि प्रस्तुत गरिनेछ।
यो उत्सवमार्फत जुम्लाको प्राकृतिक सम्पदा, सांस्कृतिक पहिचान र मौलिक स्वादलाई राष्ट्रिय तथा अन्तर्राष्ट्रिय स्तरमा चिनाउनुका साथै नेपाली हस्पिटालिटीको ब्रान्डिङ गर्ने लक्ष्य राखिएको भण्डारीले बताए।
यो कार्यक्रमले जुम्लाका स्थानीय किसानहरूको खाद्य र तरकारीजन्य उत्पादनलाई प्रोत्साहन गर्ने उद्देश्य राखेको छ, जसले क्षेत्रको अर्थतन्त्रलाई समेत सकारात्मक प्रभाव पार्नेछ।
नवौँ वार्षिकोत्सवको खुसियालीमा जुम्ला शाखाले अधिकांश स्थानीय तथा बाह्य पाहुनाहरूलाई निमन्त्रणा दिएको छ। यी पाहुनाहरूलाई जुम्ला शाखामा आएर नेपाली स्वादको अनुभव लिन आग्रह गरिएको भण्डारीको भानाई छ।
होटेल पौवाले आफ्नो स्थापनादेखि नै नेपाली सत्कार र हस्पिटालिटीको प्रतिबद्धता जनाउँदै आएको छ र जुम्ला शाखाले यो परम्परालाई अझ उचाइमा पुर्याउने अपेक्षा गरिएको छ।
होटेल पौवाले नाै वर्षअघि लुम्बिनीबाट सुरु गरेको आफ्नो यात्रालाई अहिले १८ वटा शाखासम्म विस्तार गरिसकेको छ, जसमा जुम्ला शाखा पनि एक महत्वपूर्ण हिस्सा हो।
यो शाखाले सात सयभन्दा बढी स्थानीयलाई प्रत्यक्ष रोजगारी दिएको छ र जुम्लाको पर्यटन प्रवद्र्धनमा योगदान पुर्याइरहेको छ।
स्वादउत्सवमार्फत जुम्लाको प्राकृतिक सुन्दरता, सांस्कृतिक सम्पदा र मौलिक स्वादलाई विश्वसामु चिनाउने होटेल पौवाको यो प्रयासले क्षेत्रको पहिचानलाई नयाँ उचाइमा पुर्याउने विश्वास गरिएको छ।
