जुम्ला चन्दननाथ नगरपालिका-४ मालाभिडका टंक प्रसाद पण्डितको सुकाइएको घाँस (गाजीखाद) आगलागीका कारण पूर्ण रूपमा नष्ट भएको छ।
हिउँदको समयमा गाई भैंसीलाई खुवाउनका लागि संकलन गरिएको गाजो र पराल आगलागीले सखाप पारेको पण्डितले जानकारी दिएका छन्।
आगलागी घरकै बच्चाले सलाईको प्रयोग गर्दा भएको बताइएको छ। घटनास्थलमा आगो नियन्त्रणको प्रयास तत्काल गरिएको जिल्ला प्रहरी कार्यालयले जनाएको छ।
समयमै आगो नियन्त्रण नगरिएको भए घरमा समेत क्षति पुग्न सक्ने जोखिम रहेको प्रहरीको भनाइ छ।
