धेरै माया गर्छु भन्छ्यौ तिम्रो माया नाप्न मन छ
मेरोलागि केके गर्छ्यौ तिम्रो दिल जाँच्न मन छ।
वल्लो डाली पल्लो डाली दुबै डाली नसमाउ है
तिमि सितै जुगौँ जुग माया प्रिति साँच्न मन छ।
तिमी बिना मेरो को छ भन्नलाई भन्छ्यौ तिमि
मेरो माया छ कि छैन तिम्रो मुटु छाम्न मन छ ।
तिम्रो रुप हेरी हेरी कति सम्म बाँच्ने होला
पुर्णीमाको जुनेलीमा तिमिलाई तान्न मन छ ।
चरी सरी भुर्र भुर्र उडी उडी दुःख दिन्छ्यौ
यो दिलमा तिमीलाई घरीघरी बाँध्न मन छ ।
जहाँजहाँ जान्छ्यौतिमी डुलिरन्छन् यिनीआँखा
तिम्रै वरिपरि बसी सँधैभरी बाँच्न मन छ ।
