कपडा बैंकका पहलकर्ता धनराज सुनारका अनुसार कपडा बैंकमा आर्थिक अवस्थाले कमजोर भएका विपन्न वर्गको सहजको लागि यो कपडा बैंकको अवधारणा जुम्लामा ल्याइएको बताउछन् ।
चन्दननाथ नगरपालिका ०५ कार्कीबाडामा हाम्रो साझा कपडा बैंक स्थापना भएको छ । जुम्लाका सक्रिय दलित समुदायका नेतृत्वकर्ताहरुले उक्त कपडा बैंकको अवधारणा ल्याएर कपडा बैंकको स्थापना गरेका हुन ।
कार्कीबाडा नजिक रहेको सार्वजनिक शौचालयको भवनको सटरमाउक्त कपडा बैंक राखिएको छ । कपडा बैंकका पहलकर्ता धनराज सुनारका अनुसार कपडा बैंकमा आर्थिक अवस्थाले कमजोर भएका विपन्न वर्गको सहजको लागि यो कपडा बैंकको अवधारणा जुम्लामा ल्याइएको बताउछन् ।
हाम्रो साझा कपडा बैंकको उद्घाटन चन्दननाथ नगरपालिकाका मेयर राजुसिंह कठायतले गरेका छन् । उनले कपडा बैंकलाई आवश्यक कपडा दिएर सहयोग गर्न समेत अपिल गरेका छन् । उनले पनि कपडा बैंकलाई कपडाहरू दान गरेका छन् ।
कपडा बैंकको उद्घाटनको दिन कपडा दान गर्ने दाताहरू बलराम नेपाली,मंगला विश्वकर्मा जिपि स्टेसनरीका गणेश रोकायले कार्पेट सहयोग गरेका छन् । कलिमान सुनारले फर्निचरको सामाग्री सहयोग गरेका छन् कृष्ण विक ब्यानर दिएर सहयोग गरे भने
अग्नि रोकाय, आनन्द अधिकारी गोमा नगरकोटी ,सुवास सु-सेन्टर कपडा पसल लगायत अन्य ब्याक्तिले पनि कपडा बैंकको पहिलो दिन कपडा दान गरेका हुन ।
कपडा बैंकको स्थापना गर्न पहल गर्ने पहलकर्ताहरु बालराम सुनार कृष्ण सुनार ज्ञानबहादुर विक अभिषेक नेपाली कलिमान सुनार पदम सुनार धनराज सुनार रहेका छन् भने । यसको उदेश्य विपन्न वर्गलाई राहत प्रदान गर्नको निम्ति यसको स्थापना गरेको कपडा बैंकका पहलकर्ता बालराम नेपालीले बताए ।
त्यस्तै चन्दननाथ नगरपालिका ०५ का वडाध्यक्षले कपडा बैंकलाई आवश्यक सहयोग गर्ने प्रतिबद्धता व्यक्त गरे भने उनले सबैले यसको उपभोग गर्न पाउनु पर्ने बताए ।
कपडा बैंकमा आएर जो-सुकैले पनि कपडा लिन र स्वस्फूर्त कपडा दान समेत गर्न सक्नेछन् । यसले विपन्न समुदाय र वर्गहरुलाई केही राहत पुर्याउने देखिन्छ ।
