“मैले अहिलेसम्म भ्रष्टाचार गरेको छैन र कुनै हालतमा अरूलाई पनि गर्न दिन्न,” उनले दोहोऱ्याए।
प्रधानमन्त्री केपी शर्मा ओलीले शुक्रबार प्रतिनिधि सभाको बैठकमा सम्बोधन गर्दै आफू भ्रष्टाचार नगर्ने र अरूलाई पनि गर्न नदिने स्पष्ट प्रतिबद्धता जनाएका छन्।
आफ्नो सरकारमाथि गलत आरोप लगाइएको भन्दै उनले कडा प्रतिक्रिया दिएका छन्। “मेरो विषयमा एउटा मात्र भ्रष्टाचारको प्रमाण ल्याएर देखाउनुस्,” भन्दै उनले संसदमा चुनौती दिए।
प्रधानमन्त्री ओलीले देश विकासको एजेन्डामा सरकार केन्द्रित रहेको उल्लेख गर्दै अनावश्यक आरोपहरूले काममा बाधा पुग्ने बताए।
उनले विगतमा भएका ठूला भ्रष्टाचार काण्डहरूको सन्दर्भ उठाउँदै आफ्नो कार्यकालमा त्यस्ता गतिविधिहरूलाई रोक्ने प्रतिबद्धता दोहोर्याए। “मैले अहिलेसम्म भ्रष्टाचार गरेको छैन, र कुनै हालतमा अरूलाई पनि गर्न दिन्न,” उनले दोहोऱ्याए।
प्रधानमन्त्री ओलीको यो भनाइसँगै संसदमा उपस्थित सांसदहरूबीच मिश्रित प्रतिक्रिया देखिएको थियो। केही सांसदहरूले उनको भनाइको समर्थन गरे भने केहीले सरकार नै भ्रष्टाचारमुक्त नरहेको तर्क प्रस्तुत गरे।
सरकारमाथि उठिरहेका प्रश्नहरूका बीच प्रधानमन्त्री ओलीको यो घोषणा भ्रष्टाचारमुक्त शासनप्रति उनको अडानको संकेतका रूपमा हेरिएको छ।
