सुर्खेतको वीरेन्द्रनगर नगरपालिका पुरानो ११ नम्बर वडा कार्यालय अगाडि मोटरसाइकलले ठक्कर दिँदा एकजनाको मृत्युु भएको छ।
जिल्ला ट्राफिक प्रहरी कार्यालय सुर्खेतका अनुसार मंगलबार दिउँसाे २ बजेकाे समयमा पिपिरा चौकबाट धुलियाबिटतर्फ जाँदै गरेको कर्णाली प्रदेश ०२–००२ प ३२७१ नम्बरको मोटरसाइकलले पैदल यात्री ७० वर्षीय लक्ष्मी लामिछानेलाई ठक्कर दिँदा मृत्युु भएको हो।
ठक्करबाट गम्भीर घाइते भएका लामिछानेलाई उपचारका लागि प्रदेश अस्पतालमा लिइएको र उपचारकै क्रममा मृत्यु भएको हो।
दुर्घटनामा मोटरसाइकल चालक लेखबेशी नगरपालिका ३ निवासी २९ वर्षीय हर्कबहादुर बस्नेत पनि घाइते भएका छन्। उनको हाल प्रदेश अस्पतालमा उपचार भइरहेको प्रहरीले जनाएको छ।
घटनाबारे थप अनुसन्धान भइरहेको जिल्ला ट्राफिक प्रहरी कार्यालय सुर्खेतले जानकारी दिएको छ।
