शनिबार, १४ भाद्र, २०८२

दैलेखको आठबीसमा तीज विशेष प्रतियोगिता सम्पन्न

दैलेखको आठबिस नगरपालिका–४ राकम कर्णालीमा आठबिस नगर उद्योग वाणिज्य संघको आयोजनामा ‘तीज विशेष प्रतियोगिता–२०८२’ सम्पन्न भएको छ।

कार्यक्रमका प्रमुख अतिथि नगर प्रमुख तर्कबहादुर बडुवाल र विशिष्ट अतिथि उपप्रमुख कल्पना थापा चन्द रहेका थिए।

प्रमुख अतिथि बडुवालले संघले गरेको कार्य सराहनीय रहेको उल्लेख गर्दै आगामी दिनमा नगरपालिकाबाट निरन्तर सहयोग रहने बताए।

उपप्रमुख चन्दले यस्ता कार्यक्रमले महिलाको हक–अधिकार सुदृढ हुने र सामाजिक चेतनामा सकारात्मक योगदान पुग्ने धारणा व्यक्त गरिन्।

प्रतियोगितामा मौलिक भेषभूषा, संस्कार र संस्कृतिमा आधारित तीज गीत प्रस्तुत गरिएका थिए।

आठ समूहले सहभागिता जनाएका प्रतियोगितामा जनचेतना विद्यालयले प्रथम (रु १०,०००), प्रगतिशील महिला समूहले द्वितीय (रु ६,५००), श्री बेस्टर्न चिल्ड्रेन प्यारेडाइज आवासीय विद्यालयले तृतीय (रु ३,५००) र सूर्यद्रय आवासीय विद्यालयले सान्त्वना पुरस्कार (रु २,०००) हात पारे।

कार्यक्रमको अध्यक्षता संघका अध्यक्ष भुपेन्द्र बहादुर शाहीले गर्नुभएको थियो भने सञ्चालन समितिका सल्लाहकार संयोजक नवीन सिजापतिले सञ्चालन गरेका थिए।

आयोजकले तीजलाई नारीहरूको महान् पर्वका रूपमा कला, संस्कृति र जनचेतना अभिवृद्धिको अवसरका रूपमा मनाइएको जनाएको छ।

प्रकाशित :

प्रतिक्रिया दिनुहोस्

प्रकाशित :

प्रतिक्रिया दिनुहोस्

सम्बन्धित समाचार

सम्बन्धित समाचार

सम्बन्धित समाचार

ताजा समाचार