यसअघि, उनी प्रेस सेन्टर नेपाल जुम्ला जिल्ला समितिका अध्यक्षसमेत थिए।
पत्रकार वजय रावत प्रेस सेन्टर नेपालका केन्द्रीय सदस्य पदमा निर्विरोध निर्वाचित भएका छन्। नेकपा (माओवादी केन्द्र) निकट पत्रकारहरूको संगठन प्रेस सेन्टर नेपालको पाँचौँ राष्ट्रिय महाधिवेशनबाट नेतृत्व चयन गर्ने प्रक्रियामा उनी निर्विरोध चयन भएका हुन्।
निर्वाचन समितिले जारी गरेको प्रारम्भिक सूचीअनुसार केन्द्रीय सदस्य पदमा एक मात्र उम्मेदवारी परेपछि रावत निर्विरोध निर्वाचित भएका हुन्।
छ वर्षदेखि जुम्लामा सक्रिय पत्रकारिता गर्दै आएका रावतले आफ्नो पत्रकारिता यात्रा कर्णाली सरोकार दैनिक बाट थालेका थिए।
रावत राष्ट्रिय समाचार समिति (रासस) र हिमालय टाइम्स राष्ट्रिय दैनिकमा कार्यरत छन्। साथै, कर्णाली सवाल डिजिटल अनलाइनका प्रधान सम्पादक तथा अध्यक्षको भूमिकामा पनि रहेका छन्।
यसअघि, उनी प्रेस सेन्टर नेपाल जुम्ला जिल्ला समितिका अध्यक्षसमेत थिए। काठमाडौंमा जारी महाधिवेशनमा सर्वसम्मत रूपमा नेतृत्व चयन हुन नसकेपछि निर्वाचन प्रक्रियाबाट नयाँ नेतृत्व चयन भइरहेको निर्वाचन समितिले जनाएको छ।
