खेल निकै रोमाञ्चक र प्रतिस्पर्धात्मक भएपनि निर्धारित समयभित्र दोभान शान्ति युवा क्लबले गोल फर्काउन नसकेपछि जुम्ला फुटबल क्लबलाई उपाधि जित्न सहज बनेको थियोे।
दोस्रो अमृत स्मृति फुटबल प्रतियोगिताको उपाधि जुम्ला फुटबल क्लबले जितेको छ। दोभान शान्ति युवा क्लब र जुम्ला फुटबल क्लबबीच फाइनल भएको थियोे।
पहिलो हाफ गोलरहित बराबरीमा सकिएको खेलको दोस्रो हाफको पनि अन्तिम समयतिर जुम्ला फुटबल क्लबका धर्मेन्द्र कुँवरले लगातार २ गोल र क्याप्टेन सुनिल थापा मगरले थप १ गोल गरेपछि उपाधि सुनिश्चित भएको थियोे।
खेल निकै रोमाञ्चक र प्रतिस्पर्धात्मक भएपनि निर्धारित समयभित्र दोभान शान्ति युवा क्लबले गोल फर्काउन नसकेपछि जुम्ला फुटबल क्लबलाई उपाधि जित्न सहज बनेको थियोे।
लेकाली युबा क्लबद्वारा आयोजित फुटबल प्रतियोगिता २२ टिम सहभागी भएका थिए। जसमा दोभान शान्ति युवा क्लब र जुम्ला फुटबल क्लब फाइनल यात्रा तय गरेका थिए।
उपाधि बिजेता जुम्ला फुटबल क्लबलाई नगद एक लाख दुई हजार दुई सय दुई रुपैयाँसहित ट्रफी, मेडल र प्रमाणपत्र प्रदान गरिएको थियोे भने उपविजेता दोभान शान्ति युवा क्लबलाई नगद ५१ हजार एक सय ११ रुपैयाँसहित ट्रफी, मेडल र प्रमाणपत्र दिइएको थियोे।
पुरस्कार चन्दननाथ नगरपालिकाका मेयर राजुुसिंह कठायतले वितरण गरेका थिए। पुरस्कार वितरण समारोहमा मेयर कठायतले यस्ता प्रतियोगिताले खेलकुद क्षेत्रको प्रवर्द्धन गर्नुका साथै नयाँ खेलाडीलाई प्रेरणा प्रदान गर्ने बताए।
लेकाली युवा क्लबले खेलकुद क्षेत्रमा युवालाई प्रेरित गर्न अमृत स्मृति कप प्रतियोगिता गत वर्षदेखि आयोजना गर्दै आएको छ।
