कला घर जुम्लाको आयोजनामा मंसिर ३० गते “तातो कर्णाली कविता कन्सर्ट” हुन लागेको हो।
जुम्लामा चिसो मौसमलाई कविता र संगीतले तातो बनाउने तयारी भएको छ।
कला घर जुम्लाको आयोजनामा मंसिर ३० गते “तातो कर्णाली कविता कन्सर्ट” हुन लागेको हो।
जिल्लाका उत्कृष्ट १० कविहरूका कविताहरू वाचन गरिने यस कार्यक्रममा जुम्लाको भाषा, साहित्य, संस्कृति र कलाको संरक्षण गर्न विशेष ध्यान दिइने कला घरका सुवास खत्रीले बताए।
कार्यक्रमलाई स्थानीय उत्पादन र मौलिकतालाई प्राथमिकता दिने उद्देश्यले मञ्च जुम्लामै उत्पादित सामग्रीबाट सजावट गरिनेछ। कविता वाचनसँगै विभिन्न सांगीतिक प्रदर्शनले कार्यक्रमलाई झनै जीवन्त बनाउनेछ।
कला घर जुम्लाका सदस्य सुवासका अनुसार यस प्रकारका कार्यक्रमहरूले जिल्लाका साहित्यकारहरूलाई पहिचान गराउन र स्थानीय सांस्कृतिक धरोहरलाई जगेर्ना गर्न महत्वपूर्ण भूमिका खेल्नेछन्।
“कर्णालीका प्रतिभालाई देशभर चिनाउन यो कन्सर्टले सहयोग पुर्याउनेछ।
यो कन्सर्टले जुम्लाको चिसो रातलाई सांस्कृतिक न्यानोपनले भरिदिने विश्वास गरिएको छ।
