कार्यक्रमको विशेष सहयोगीका रूपमा जुम्लाको पातारासी गाउँपालिका -२ तल्फीका धन सिंह बोहराले आफ्नो आमाको सम्झनामा न्यानो कपडा प्रदान गरे।
जिल्ला प्रहरी कार्यालय जुम्लाले हिरासतमा रहेका थुनुवाहरूलाई न्यानो कपडा वितरण गरेको छ।
जुम्लाका डिएसपी छेदीलाल कामतीको नेतृत्वमा बिहिवार एक कार्यक्रम गरी १५ थान कम्बल र सिरक वितरण गरिएको हो।
कार्यक्रममा स्थानीय जनप्रतिनिधि, सरकारी तथा गैरसरकारी कार्यालयका प्रमुख एवं प्रतिनिधिहरू, समाजसेवी, बुद्धिजीवी र पत्रकारहरूको उपस्थिति रहेको थियो।
कार्यक्रमको विशेष सहयोगीका रूपमा जुम्लाको पातारासी गाउँपालिका -२ तल्फीका धन सिंह बोहराले आफ्नो आमाको सम्झनामा न्यानो कपडा प्रदान गरेका थिए।
जुम्ला प्रहरीले उनलाई मानवीय सेवामा देखाएको आत्मीयताको प्रशंसा गरेको छ।
थुनुवाहरूको स्वास्थ्य, सुरक्षा र सुविधालाई प्राथमिकता दिँदै जुम्ला प्रहरीले यसअघि पनि हिरासत मेस सञ्चालन, हिरासतमा पुस्तकालय स्थापनाका साथै निःशुल्क स्वास्थ्य शिविरजस्ता विभिन्न सामाजिक कार्यहरू सम्पन्न गरिसकेको छ।
